جنوبی پنجاب کے طلبہ کی کیریئر کونسلنگ اور انہیں جدید تعلیم سے روشناس کرانے کے لیے جنگ گروپ کی جانب سے ملتان میں ایک روزہ ایجوکیشن ایکسپو کا اہتمام کیا گیا ۔
جنگ گروپ نے ملتان کے مقامی ہوٹل میں ایجوکیشن میلہ سجایا، جس میں ملک کے تمام معروف تعلیمی ادراوں نے اپنے اپنے اسٹالز لگائے۔
ان اسٹالز میں موجود تربیت یافتہ افراد نے ایکسپو میں آنے والے طلبا اور طالبات کو ان کے بہتر مستقبل کو مد نظر رکھتے ہوئے مفید مشورے دیئے اور دور حاضر کے تعلیمی رجحانات بارے آگاہی دی۔
جنگ گروپ کی جانب سے لگائی جانے والی ایکسپو میں 40 تعلیمی اداروں کی جانب سے اسٹالز لگائے گئے ہیں۔
ایکسپو میں نا صرف نوجوانوں بلکہ ان کے والدین نے بھی خصوصی دلچسپی لی اور اس طرح کی ایکسپو کو جنوبی پنجاب کے طلبا کے لیے انتہائی مفید قرار دیا۔