جنگ میں حصہ لینے والے امریکی جوڑے کی حقیقی داستان پر مبنی ہالی ووڈ وار ڈرامہ فلم ’تھینک یو فار یورسروس‘کا پہلا ٹریلر جار ی کردیا گیا۔
جنگی مناظر سے بھرپور فلموں کے مداحوں کیلئے خوشخبری یہ ہے کہ ہالی ووڈ وار ڈرامہ فلم ’تھینک یو فار یورسروس‘کا پہلا ٹریلر آگیا ہے۔
جیسن ہال کی ہدایتکاری میں بننے والی اس فلم کی کہانی ایک امریکی فوجی اہلکار اور خاتون اہلکار کے گرد گھوم رہی ہے، جو جنگ سے واپس آنے کے بعد سخت تناؤ اور اذیت کا شکار ہوجاتے ہیں۔
فلم کی کاسٹ میں ہالے بینٹ، مائلز ٹیلر، ایمی شومر، کیٹ لین، ایرن ڈارک، اسکاٹ ہیز اور بریڈ بیئر سمیت دیگر اداکار شامل ہیں۔
جین ایونز اور این روارک کی مشترکہ پروڈیوس کردہ یہ فلم 27اکتوبر کو سینما گھروں کی زینت بنے گی۔