سوات کے علاقے بری کوٹ میں اسکول کے باہر پڑے تعمیراتی ملبے پڑا دستی بم پھٹ گیا جس کے نتیجے میں 5 بچے زخمی ہوگئے۔
بری کوٹ کے علاقے شموزئی میں اسکول کے قریب ملبے میں پڑا دستی بم اچانک پھٹ گیا جس کے نتیجے میں قریب ہی کھیلنے والے 5 بچے زخمی ہوگئے۔
دستی بم کے پھٹنے سے خوف و ہراس پھیل گیا جب کہ علاقہ مکینوں نے پانچوں زخمی بچوں کو قریبی اسپتال منتقل کردیا۔
پولیس کے مطابق بری کوٹ شموزئی میں ہونے والا دھماکا پرانا ہینڈ گرینیڈ پھٹنے کی وجہ سے ہوا جو کہ اسکول کے باہر تعمیراتی ملبے میں موجود تھا۔