انسٹاگرام نے اپنی پرائیویسی سیٹنگ میں تبدیلی کرتے ہوئے اب صارفین کے آن لائن ہونے کی معلومات دوستوں کو فراہم کرنے کا فیچر متعارف کروا دیا ہے۔
یعنی اب کسی بھی انسٹاگرام صارف کے فالورز یہ دیکھ سکیں گے کہ وہ جس شخص کو فالو کر رہے ہیں وہ آن لائن ہے یا کب یا کتنی دیر پہلے آن ہوا تھا۔
یہ فیچر اس سے قبل فیس بک اور واٹس ایپ میں دستیاب تھا۔
اگرچہ اس فیچر کو لوگ پرائیویسی میں دخل اندازی قرار دے رہے ہیں مگر آپ کے پاس اسے آن یا آف کرنے کا آپشن موجود ہے۔
لیکن یہاں یہ بات واضح رہے کہ اپنے اکاؤنٹ میں پرائیویسی لگانے کے بعد دوسرے دوست کے اکاؤنٹ کی بھی ایکٹیوٹی نہیں دیکھی جاسکے گی۔
کیا آپ یہ فیچر آن رکھنا پسند کریں گے؟