شہباز شریف کی جانب سے عمران خان کے خلاف ہتک عزت کے دعوے کی سماعت کے موقع پر عمران خان کے وکیل آج بھی پیش نہ ہوئے۔
وزیراعلیٰ پنجاب شہباز شریف کی جانب سے چیئرمین تحریک انصاف عمران خان کے خلاف ہتک عزت کے دعوے کی سماعت لاہور کی مقامی عدالت میں ہوئی۔
عمران خان کے وکیل بابراعوان آج بھی پیش نہیں ہوئے جس پر عدالت نے برہمی کااظہار کرتے ہوئے جونیئر وکیل سے کہا کہ اگر آپ نے پیش نہیں ہونا تو پھر کیس کا فیصلہ کر دیتے ہیں۔
جونیئروکیل بابر اعوان نے اگلی پیشی پر ہر صورت پیش ہونے کی یقین دہانی کروا دی۔
خیال رہے کہ شہباز شریف نے پانامہ لیکس ایشو پر 10 ارب رشوت کی پیشکش کے بیان پر عمران خان کے خلاف ہتک عزت دعویٰ دائر کر رکھا ہے۔