LIVE

فرحان سعید کی آواز میں ’اب صرف عمران خان‘

ویب ڈیسک
July 06, 2018
 


چیئرمین پی ٹی آئی عمران خان نے فرحان سعید کو انتخابی مہم کے لیے گانا گانے پر خوب سراہا—. فائل فوٹو/ بشکریہ ٹوئٹر

پاکستان تحریک انصاف (پی ٹی آئی) کا آفیشل گانا ’اب صرف عمران خان‘ گلوکار فرحان سعید کی آواز میں ریلیز کردیا گیا۔

یہ گانا پی ٹی آئی نے اپنی انتخابی مہم 2018 کے لیے جاری کیا ہے، جس میں ملک کے حالات کو اجاگر کرتے ہوئے تبدیلی کی نوید سنائی گئی ہے۔

اس گانے میں مثبت تبدیلی کے لیے آواز اٹھانے کے عزم کا اظہار کرتے ہوئے بتایا جارہا ہے کہ 'بلے' پہ نشان لگانے سے کرپشن کا خاتمہ ہوگا، بے روزگاری ختم ہوگی اور بجلی، پانی اور دیگر مسائل حل ہوجائیں گے۔

گانے میں ملک کے نوجوانوں کو ترقی کا ضامن قرار دیتے ہوئے دعویٰ کیا گیا ہے کہ اب نہ تو کوئی بھوکا سوئے گا اور نہ ہی تعلیم سے محروم ہوگا۔

یہ گانا 3 منٹ 48 سیکنڈز پر مشتمل ہے جسے اب تک متعدد افراد دیکھ چکے ہیں اور شیئر بھی کر رہے ہیں۔ 

چیئرمین پی ٹی آئی عمران خان نے فرحان سعید کو  انتخابی مہم گانے پر خوب سراہا اور کہا کہ 'ہمارے نوجوان تحریک انصاف کا مرکز ہیں، اس گانے کی تیاری پر مجھے فرحان سعید پر فخر ہے، جو انصاف کی تحریک کے لیے ہے'۔

انہوں نے مزید کہا کہ ’پی ٹی آئی ایک تصور ہے، جس کا وقت آگیا ہے‘۔    






دوسری جانب فرحان سعید نے بھی اپنے جوابی پیغام میں کپتان کا شکریہ ادا کیا۔

ان کا کہنا تھا، ’آپ نے جو کچھ بھی کیا پاکستان اس پر شکر گزار ہے، خاص طور پر جس طرح آپ نے نوجوانوں کو نئے پاکستان کی امید دی، اس کے لیے شکریہ‘۔