پشاور میں ضلع خیبر سے متصل پولیس ناکہ بندی کے پاس دھماکا ہوا جس کے نتیجے میں پولیس اہلکار سمیت 10 افراد زخمی ہوگئے۔
پولیس کے مطابق زخمیوں کو حیات آباد میڈیکل کمپلیکس منتقل کردیا گیا ہے جبکہ دھماکے کے بعد جمرود پشاور روڈ کو بند کردیاگیا ہے۔
ریسکیو ذرائع کا کہنا ہے کہ زخمیوں میں راہ گیر اور خواتین بھی شامل ہیں۔
ایس ایس پی آپریشنز ظہور احمد کا کہنا ہے کہ دھماکا دیسی ساختہ بم کا تھا جس میں ایک پولیس اہلکار سمیت 10 افراد زخمی ہوئے۔
انہوں نے بتایا کہ پولیس ناکہ بندی کے ساتھ خالی جگہ پر دیسی ساختہ مواد پھٹنے سے دھماکہ ہوا۔واقعے کی مزید تحقیقات کی جارہی ہیں۔ْ