سندھ ہائیکورٹ کا کہنا ہے کہ جو لوگ لاپتا افرادکی بازیابی کے لیے درخواست فائل کرتے ہیں ان کو ہی غائب کردیا جاتا ہے۔
لاپتہ افراد کی بازیابی سے متعلق درخواستوں کی سماعت کے دوران سندھ ہائی کورٹ کے جج جسٹس محمد اقبال کلہوڑو نے ریمارکس دیے کہ کیا آپ چاہتے ہیں کہ کوئی درخواست ہی دائر نہ کرے؟
عدالت نے قرار دیا کہ جس طرح تفتیشی افسران کام کرتے ہیں یہ تحقیقات کرنے کا طریقہ نہیں، لاپتا افراد کو بازیاب کراکے 13 اکتوبر تک رپورٹ پیش کی جائے۔