کراچی میں مولانا ڈاکٹر عادل خان شہید سے متعلق کچھ اورسی سی ٹی وی وڈیوز بھی منظر عام پرآگئیں جس میں ملزمان کو مولانا کی ریکی کرتے ہوئے دیکھا جاسکتا ہے۔
ایک وڈیو میں مولا ناعادل کو کورنگی دارالعلوم میں داخلے کے بعد گاڑی سے اترتے دیکھا جاسکتا ہے۔ مولانا عادل خان کے کورنگی دارالعلوم میں داخلے کے وقت دو موٹرسائیکل سوار ملزمان مرکزی گیٹ کے پاس موجود تھے۔
ایک وڈیو میں مولانا کو کورنگی دارالعلوم میں داخلے کے بعد گاڑی سے اترتے دیکھا جا سکتا ہے۔ وہ مفتی تقی عثمانی سے ملاقات کیلئے دارالعلوم گئے تھے۔
دارالعلوم کے باہر مشکوک موٹر سائیکل سوار دو ملزمان کی بھی مزید فوٹیجز سامنے آگئی ہیں۔
مولانا عادل خان کے کورنگی دارالعلوم میں داخلے کے وقت دونوں موٹرسائیکل سوار ملزمان مرکزی گیٹ کے پاس موجود تھے، اس دوران دونوں مبینہ مشکوک افراد نے غیرمعمولی حرکات و سکنات کیں۔
مولانا ڈاکٹر عادل کے کورنگی دار العلوم سے نکلنے کی وڈیو بھی منظر عام پر آگئی ہے، مولانا کے نکلنے کے بعد انہی دونوں موٹرسائیکل سوار ملزمان کو مولانا کے پیچھے جاتے دیکھا جاسکتا ہے۔
جیو نیوز تین روز قبل ان ملزمان کے بارے میں تصاویر ، خبر اور فوٹیجز نشر کرچکا ہے۔