آن لائن ویڈیو شیئرنگ ایپ یوٹیوب نے امریکی الیکشن میں فراڈ کے دعوؤں پر مبنی وڈیوز پر پابندی لگا دی۔
یوٹیوب انتظامیہ کی جانب سے جاری بیان میں کہا گیا ہے کہ کئی امریکی ریاستیں جوبائیدن کو نئے امریکی صدر کا سرٹیفیکیٹ دے چکی ہیں لہذا اب الیکشن میں فراڈ سے متعلق ویڈیوز کی اجازت نہیں دی جا سکتی۔
امریکی سرچ انجن گوگل نے بھی آج سے انتخابات سے متعلق اشتہارات پر عائد پابندی اٹھا لی ہے اور کہا ہے کہ واضح انتخابی نتیجہ آ چکا ہے۔
خیال رہے کہ گوگل اور فیس بک نے امریکی انتخابات پر اثر پڑنے کے باعث الیکشن اشتہارات بند کر رکھے تھے۔