مارشل آرٹس پھرتی اور مہارت کا گیم سمجھا جاتا ہے اور اس میں عمر کا بھی بڑا دخل ہوتا ہے لیکن اگر 85 سال کی عمر میں کوئی خاتون مارشل آرٹس کا مظاہرہ کرے تو یہ فٹنس کے ساتھ ساتھ حیرانی کی بھی بات ہے۔
مہاراشٹرا کی رہائشی شنتا بائی پوار روایتی مارشل آرٹس 'لاٹھی کاٹھی' اس قدر تیزی اور مہارت کے ساتھ کرتی ہیں کہ نوجوان بھی عش عش کر اٹھتے ہیں۔
پونا کی رہائشی شنتا بائی پوار نے 70 برس قبل مارشل آرٹس کی تربیت حاصل کی تھی جب وہ صرف 8 برس کی تھیں اور آج وہ مارشل آرٹس کے کرتب دکھا کر اپنا گزر بسر کرتی ہیں۔
عالمی وبا کورونا کی وجہ سے جب دنیا کی طرح بھارت میں بھی کاروبار متاثر ہوا تو شنتا بائی پوار نے اپنے گھر والوں کے اخراجات پورے کرنے کا بیڑا اٹھایا اور پونا شہر کے مختلف علاقوں کرتب دکھانا شروع کر دیے۔