نواب شاہ میں قومی شاہراہ پر دھند کے باعث کئی گاڑیاں آپس میں ٹکرانے سے دو افراد جاں بحق جبکہ متعدد زخمی ہو گئے۔
موٹر وے پولیس کے مطابق حادثہ قومی شاہراہ پر دولت پور بائی پاس پر پیش آیا جہاں دھند کے باعث کئی گاڑیاں آپس میں ٹکرا گئیں۔
ترجمان موٹروے پولیس کے مطابق حادثے میں دو افراد جاں بحق اور 20 سے زائد زخمی ہوئے۔
موٹر وے پولیس کا کہنا ہے کہ حادثے کے زخمیوں کو قاضی احمد اور نوابشاہ اسپتال منتقل کر دیا گیا ہے۔