کیڑے مکوڑوں کو دیکھ کر ہم سب کو ہی الجھن ہونے لگ جاتی ہے اور گھر میں کیڑے مکوڑوں کی بھرمار سب کے لیے پریشانی کا سبب بنتی ہے۔
آسٹریلیا کے شہر سڈنی میں خاتون کے گھر ایک انوکھا ہی واقعہ پیش آیا جس کی ویڈیو سوشل میڈیا پر خوب وائرل ہو رہی ہے جس میں دیکھا جا سکتا ہے درجنوں مکڑیاں دیوار اور چھت پر رینگ رہی ہیں۔
ٹوئٹر پر ایک صارف کی جانب سے یہ ویڈیو شیئر کی گئی جس کے کیپشن میں انہوں نے بتایا کہ ان کی دوست جیسے ہی اپنی بیٹی کے کمرے میں گئیں تو انہوں نے یہ دل دہلا دینے والا منظر دیکھا۔
وائرل ہونے والی اس ویڈیو پر سوشل میڈیا صارفین کی جانب سے ملے جلے ردِ عمل کا اظہار کیا جا رہا ہے اور اس ویڈیو کو ایک بھیانک خواب قرار دیا جا رہا ہے۔
ٹوئٹر پر اس ویڈیو کو اب تک 66 ہزار سے زائد بار دیکھا جا چکا ہے جب کہ سیکڑوں لوگوں نے اس ویڈیو کو ری ٹوئٹ بھی کیا ہے۔