لاہور میں مذہبی جماعت کےکارکنوں کے مظاہروں کے باعث شہر کے 16 اہم مقامات پر ٹریفک بند ہے۔
جیو نیوز کے مطابق رائیونڈ اجتماع پلی کےدونوں اطراف، رنگ روڈ، کرول گھاٹی اور بتی چوک میں احتجاج جاری ہے جس کے باعث شاہدرہ چوک، خیابان چوک، ایل ڈی اے چوک،کوٹ عبدالمالک، موہلنوال، چونگی امرسدھو مکمل طور پر بند ہیں۔
اس کے علاوہ بھٹہ چوک، یتیم خانہ چوک، اسکیم موڑ، داروغہ والا، شاہکام چوک اور بیگم کوٹ میں احتجاج جاری ہے جس کے باعث ٹریفک کی روانی متاثر ہونے سے شہریوں کو سخت مشکلات کا سامنا ہے۔