لاہور: سڑکیں بند ہونے سے سرکاری اسپتالوں کو آکسیجن کی سپلائی میں دشواری کا سامنا

لاہور کے مختلف علاقوں میں ایک مذہبی تنظیم کے احتجاج کے باعث سڑکیں اور راستے بند ہونے سے سرکاری اسپتالوں کو آکسیجن سلنڈروں کی سپلائی میں دشواری کا سامنا  ہے۔

 سیکرٹری صحت پنجاب نبیل اعوان کے مطابق شہر کی مختلف سڑکیں اور راستے بند ہونے سے سرکاری اسپتالوں کو آکسیجن سلنڈروں کی سپلائی میں مشکل آرہی ہے۔

مذہبی تنظیم کے ملک کے مختلف شہروں میں دھرنے، پنڈی اور اسلام آباد کے داخلی راستے بھی بلاک

لاہور، ملتان، راولپنڈی اور کراچی میں جگہ جگہ احتجاج کے باعث گاڑیوں کی طویل قطاریں لگ گئیں

 نبیل اعوان نے مظاہرین سے اپیل کی ہےکہ آکسیجن سلنڈروں کے ٹرکوں کو راستہ دیں تا کہ مریضوں کی جانیں بچائی جاسکیں، آکسیجن سلنڈروں کے بروقت نہ پہنچنے سے مریضوں کی جانوں کو خطرات ہو سکتے ہیں۔

انہوں نے اپیل کی ہےکہ شہری سڑکیں اور راستے کھلا رکھنے میں بھرپور تعاون کریں۔