پاکستانی گلوکار اور اداکار فرحان سعید نے بھی ملک کی موجودہ صورتحال پر تشویش کا اظہار کردیا۔
فرحان سعید کی جانب سے انسٹاگرام پر اسٹوری شیئر کی گئی ہے جس میں کیپشن درج تھا کہ تھپڑ ، چانٹے ، گالیاں، ٹرولنگ، میمز سن کر کون سا ملک آپ کے ذہن میں آتا ہے۔
فرحان سعید پاکستانی عوام سے درخواست کی کہ خدا کے لیے ایک قوم بن کر رہیں نہ کہ مجمع بن کر، اللہ کی قسم پاکستانیوں کو کسی سے خطرہ نہیں ہے مگر پاکستانیوں سے ہے ۔
اداکار نے اپنی پوسٹ میں پاکستانیوں کو تنبیہ کی کہ ابھی وقت ہے لیکن ہمیشہ نہیں رہے گا۔
خیال رہے کہ گزشتہ روز وزیراعلیٰ پنجاب کی معاون خصوصی فردوس عاشق اعوان اور پیپلز پارٹی کے قادر مندوخیل کے درمیان شدید گرما گرمی کا واقعہ پیش آچکا ہے جو سوشل میڈیا پر زیر بحث ہے۔