پاکستان کی میڈیا تنظیموں نے مجوزہ پاکستان میڈیا اتھارٹی کو مستردکردیا۔
آل پاکستان نیوز پیپرسوسائٹی (اے پی این ایس)، کونسل آف پاکستان نیوز پیپر ایڈیٹرز (سی پی این ای)، پاکستان براڈ کاسٹرز ایسوسی ایشن (پی بی اے)، پاکستان فیڈرل یونین آف جرنلسٹ (پی ایف یوجے) اورایسوسی ایشن آف الیکٹرانک میڈیاایڈیٹراورنیوزڈائریکٹرز (ایمنڈ) نے مجوزہ پاکستان میڈیا اتھارٹی کا تصورغیر آئینی اورڈریکونین قانون قراردے دیا۔
میڈیا تنظیموں نے مشترکہ بیان میں کہا کہ مجوزہ پاکستان میڈیا اتھارٹی آزادی صحافت اورآزادی اظہار کے خلاف ہے، مجوزہ پاکستان میڈیا اتھارٹی کامقصد میڈیا کے تمام شعبوں کو ریاست کے کنٹرول میں لانا ہے۔
میڈیا تنظیموں نے مطالبہ کیا ہے کہ سینیٹ اور قومی اسمبلی کا مشترکہ اجلاس بلاکر مجوزہ پاکستان میڈیا اتھارٹی کو مسترد کیا جائے۔