طالبان جنگجوؤں کی افغانستان کا روایتی رقص پیش کرتے ہوئے ویڈیو وائرل ہورہی ہے۔
افغانستان سے منسلک صحافیوں اور سوشل میڈیا اکاؤنٹس پر طالبان جنگجوؤں کی مختلف سرگرمیوں کی ویڈیوز شیئر کی جاتی ہیں جس میں کبھی وہ امیوزمنٹ پارک میں ڈاجنگ کار چلا رہے ہوتے ہیں تو کبھی کرسیوں سے کھیل رہے ہوتے ہیں۔
تاہم حال ہی میں افغانستان کے مقامی صحافی نے طالبان سکیورٹی فورس کے اہلکاروں کی ایک ویڈیو شیئر کی ہے جس میں وہ نغمے پر افغانستان کا روایتی رقص 'اتان' پیش کررہے ہیں۔
اتان پنجابی رقص 'لڈی' کی ایک قسم ہے جس میں لوگ گول دائرے کی شکل میں تالیاں بجا کر رقص کرتے ہیں۔
ایک اور ویڈیو میں افغان لڑکوں کو اتان کرتے اور روایتی گانا گاتے دیکھا جاسکتا ہے جس کے بول کچھ یوں ہیں: 'کابل سے مجھے سلام بھیجو، میں تمہیں بہت یاد کرتا ہوں۔‘
واضح رہے کہ 1996 سے 2001 تک افغانستان میں طالبان کے دورِ حکومت میں گانے اور رقص جیسی سرگرمیاں ممنوع تھیں۔