سیلفی کے شوقین افراد دنیا بھرمیں پائے جاتے ہیں لیکن یہ شوق شدت اختیار کر جائے تو نقصان اور شرمندگی کا باعث بھی بن جاتا ہے۔
سوشل میڈیا پر نیلے رنگ کا مغربی لباس پہنے خاتون کی ایک ویڈیو وائرل ہو رہی ہے جسے خوشگوار موڈ میں اچھلتے کودتے سیلفی بناتے دیکھا جا سکتا ہے۔
ویڈیو میں دیکھا جاسکتا ہے کہ کچھ ہی دیر بعد سیلفی کے دوران اسٹائل مارتی خاتون اپنا توازن برقرار نہ رکھ پائی اور پاس ہی موجود کیچڑ میں جاگری۔
خاتون کی وائرل ویڈیو پر سوشل میڈیا صارفین کی جانب سے بھی دلچسپ تبصرے کیے جا رہے ہیں۔