قومی کرکٹ ٹیم کےکپتان بابراعظم نے لاہور کے ایک یتیم خانے میں جاکر بچوں سے ملاقات کی اور ان کے ساتھ کرکٹ کھیلی۔
بعد ازاں انسٹاگرام پر تصاویر پوسٹ کرتے ہوئے بابر اعظم نے لکھا کہ خوش قسمتی سے مجھے گزشتہ روز لاہور کے یتیم خانے میں اپنے نوجوان ہیروز سے ملنےکا موقع ملا۔
بابر اعظم کا کہنا تھا کہ مجموعی طور پر وہاں میسر سہولیات پسند آئیں، وہاں موجود ہیروز بھی خوش نظر آئے اور اپنی زندگی میں بہت کچھ کرنےکے لیے بھی پرعزم دکھائی دیے۔
اس موقع پر بابر اعظم نے اپیل کی کہ ان سپر اسٹارز اور ایسے اداروں کی مدد کرنے کے لیے ہر ممکن کوشش کریں۔