بالی وڈ اداکارہ کترینہ کیف اور اداکار وکی کوشل کی شادی کے بعد پہلی سیلفی وائرل ہوگئی ۔
انسٹاگرام پر کترینہ نے شادی کو ایک ماہ مکمل ہونے پر اپنی اور شوہر اداکار وکی کوشل کی تصویر شیئر کی۔
شیئر کی گئی تصویر میں وکی کوشل نے اہلیہ کترینہ کو گلے سے لگایا ہوا ہے جبکہ اداکار جوڑی کو مسکراتے ہوئے خوشگوار موڈ میں دیکھا جاسکتا ہے۔
کترینہ کیف نے اپنی پوسٹ کے کیپشن میں لکھا کہ ’ان کی خوشحال ازدواجی زندگی کو ایک ماہ مکمل ہوگیا ہے۔
اداکارہ کی شیئر کی گئی تصویر چند ہی گھنٹوں میں تیزی سے وائرل ہوگئی جسے اب تک 30 لاکھ سے زائد بار مداحوں کی جانب سے پسند کیا جاچکا ہے۔
خیال رہے کہ کترینہ کیف اور وکی کوشل گزشتہ برس 9 دسمبر کو راجھستان میں ایک شاہانہ تقریب کے دوران رشتہ ازدواج میں منسلک ہوئے تھے۔