روسی صحافی دمتری موراتوف نے اپنا امن کا نوبیل انعام نیلام کردیا۔
میڈیا رپورٹس کے مطابق روسی اخبار نووایا گزٹ کے ایڈیٹر انچیف دمتری موراتوف نے اپنے امن کے نوبیل انعام کو 103.5 ملین ڈالر میں نیلام کیا ہے۔
دمتری موراتوف کا کہنا ہے کہ نوبیل انعام کی نیلامی سے حاصل ہونے والی رقم یوکرین میں جاری جنگ سے متاثر ہونے والے پناہ گزینوں کی مدد کے لیے استعمال کی جائے گی۔
دمتری کے اخبار نووایا گزٹ نے یوکرین پر روسی حملے کے کچھ عرصے بعد اپنے آپریشنز معطل کردیے تھے۔
دمتری موراتوف کو روس میں آزادی اظہار کے فروغ کے لیے آواز اٹھانے پر 2021 میں مشترکہ طور پر امن کے نوبیل انعام سے نوازا گیا تھا۔
ان کے ساتھ فلپائن کی خاتون صحافی ماریا ریسا کو بھی صحافتی آزادی کے لیے کوششیں کرنے پر امن کا نوبیل انعام دیا گیا تھا۔