پاکستان کے سیلاب متاثرین کیلئے نیپال سے بھی امداد کا سلسلہ شروع ہوگیا ہے۔
اس سلسلے میں نیپال سے پہلی پرواز کراچی پہنچی ہے۔ نیپالی خارجہ امور کی جوائنٹ سیکرٹری بھی امدادی سامان لے کر آنے والی پہلی پرواز کے ہمراہ کراچی پہنچے۔
نیپال کے پاکستان میں سفیر، ایم پی اے سوشل ویلفیئر، ڈی جی ایم او ایف اے، این ڈی ایم اے کے نمائندے اور 5 کور کے پاک فوج کے افسر نے نیپالی مہمان کو خوش آمدید کہا اور طیارے کا استقبال کیا۔