دنیا کے زیادہ ترممالک میں ماہ مقدس کا آغاز ہوگیا ہے مسلمان اس فرض کی ادائیگی کیلئے سحری میں بھرپور کھانوں کا اہتمام کرتے ہیں تاکہ دن بھر روزہ اچھا گزرسکے۔
تو آج ہم آپ کو سحری کیلئے چند ایسی غذائیں بتاتے ہیں جن کے استعمال سے آپ دن بھر توانا رہ سکیں گے۔
کھجور:
رمضانوں میں کھجور کا استعمال ہر گھر میں ہی ہوتا ہے سنت کے مطابق روزہ افطار کھجور سے کیا جاتا ہے لیکن کیا آپ کو معلوم ہے اگر سحری میں کھجور کا استعمال کیا جائے تو دن بھر آپ کے جسم میں توانائی برقرار رہتی ہے کیونکہ کھجور میں بھرپور گلوکوز ہوتا ہے جو آپ کے جسم میں شوگر کی کمی کو پورا کرتا ہے۔
تربوز:
لال تربوز افادیت سے بھرپور ہوتے ہیں اور اس ماہ رمضان میں بیشتر ممالک میں تربوز کا سیزن شروع ہوگیا ہے جس کے باعث تربوز روزے داروں کے دسترخوان کی زینت بنے گا۔
سحری میں تربوز کے استعمال کو ضرروی اس لیے کہا جارہا ہے کیونکہ قدرت نے اسے پانی سے بھرپور بنایا ہے اس لیے تربوز کے استعمال سے آپ کے جسم میں پانی کی کمی نہیں ہوگی۔
سیب:
سیب کو آئرن کا خزانہ سمجھا جاتا ہے، سیب کے استعمال سے آپ کے جسم میں وٹامن سی اور فائبر کی مقدار برقرار رہے گی جس سے دن بھر آپ اچھا محسوس کریں گے۔
دہی:
دہی میں قدرتی طور پر اچھا بیکٹریا موجود ہوتا ہے جو آپ کے معدہ کو صحت مند رکھتا ہے جس کی وجہ سے سحری میں دہی کا استعمال کرنے والوں کا روزہ دن بھر اچھا گزرتا ہے۔
دلیہ:
دلیہ کھانا سنت بھی ہے ساتھ ہی دلیہ افادیت سے بھرپور ہوتا ہے، دلیہ میں موجود فائبر دن بھر انسان کو توانائی فراہم کرتے ہیں۔