کور کمانڈر کراچی لیفٹیننٹ جنرل شاہد بیگ مرزا نے کراچی میں مکمل امن تک آپریشن جاری رکھنے کے عزم کااظہار کرتے ہوئے کہا ہے کہ شہر کے حالات بدل گئے ہیں،پائیدار امن کے لئے مزید کام جاری ہیں۔
آئی ایس پی آر کے مطابق ایف پی سی سی آئی کے صدر سے ملاقات میں کور کمانڈر کراچی نے کہا کہ قانون نافذ کرنے والے ادارے اپنے فرائض انجام دیتے رہیں گے۔
صدر فیڈریشن آف پاکستان چیمبرآف کامرس اینڈ انڈسٹری(ایف پی سی سی آئی) نےگفتگو کرتے ہوئے کہا کہ پاک فوج اور دیگر قانون نافذ کرنے والے اداروں کی کاوشوں سے کراچی کا امن بحال ہوا ، شہری کے امن سے معاشی سرگرمیوں میں اضافہ ہوا۔
انہوں نے یقین دلایا کہ کراچی کے امن وامان کے حوالے سے تاجربرادری قانون نافذ کرنے والے اداروں کے ساتھ ہے۔