قومی کرکٹ ٹیم کے سابق کپتان وسیم اکرم کی اہلیہ شنیرا اکرم نے اداکارہ منال خان اور ان کے منگیتر احسن محسن پر ٹریفک قوانین کے خلاف ورزی کرنے پر برہمی کا اظہار کیا۔
گزشتہ روز منال خان کی ایک ویڈیو سوشل میڈیا پر خاصی وائرل ہوئی تھی جس میں وہ منگیتر احسن محسن کے ہمراہ گاڑی میں سوار تھیں، احسن نے ان سے گانے کی فرمائش کی جس پر منال نے بچوں کا گانا بے بی شارک ڈو ڈو گنگنایا۔
اس ویڈیو پر شنیرا نے سخت ردعمل کا اظہار کیا اور کہا کہ آپ دونوں مشہور شخصیات ہیں اور فولورز کی تعداد بھی لاکھوں میں ہے،کیا آپ کیلئے ذرا زیادہ ذمہ داری کا مظاہرہ کرنا بہت مشکل ہے؟
شنیرا نے سخت لہجہ اختیار کرتے ہوئے دونوں کو ہدایت دی کہ اپنی سیٹ بیلٹ باندھیں اور سڑک پر نظریں رکھیں۔
سابق کرکٹر کی اہلیہ نے کہا کہ معاف کرنا یہ گانا اس وقت بالکل کیوٹ نہیں لگے گا اگر منال اسے اسپتال میں گارہی ہوں گی۔