کراچی کی اینٹی کرپشن عدالت نے تین ملزمان کے خلاف مواچھ گوٹھ مویشی منڈی کا ٹھیکہ من پسند افراد کو دینے سے متعلق کیس کا فیصلہ سنادیا۔
مواچھ گوٹھ مویشی منڈی کا ٹھیکہ غیرقانونی طور پر دینے کا جرم ثابت ہونے پر عدالت نے ملزمان میونسپل چیئرمین اشفاق ملاح، ڈپٹی ڈائریکٹر ٹیکسز محبوب ندیم بیگ اور ٹھیکیدار طارق علی کو سزائیں سنا دیں۔
عدالتی فیصلے میں تینوں ملزمان کو ساڑھے 3 سال قید کی سزا کے ساتھ 50-50 ہزار روپے جرمانہ بھی عائد کیا گیا ہے۔
سرکاری وکیل کے مطابق ملزمان پر میونسپل کمیٹی غربی میں مویشی منڈی کا ٹھیکہ غیر قانونی طور پر من پسند افرادکو دے کر قومی خزانے کو نقصان پہنچانے کا الزام تھا۔