LIVE

پریانکا نے بالآخر بیٹی کا چہرہ دکھا دیا، تصویر وائرل

ویب ڈیسک
November 23, 2022
 

پریانکا چوپڑا اور ہالی وڈ اداکار و گلوکار نک جونس کے ہاں رواں برس کے آغاز جنوری میں سروگیسی کے ذریعے بیٹی کی پیدائش ہوئی—فوٹو: فائل

بالی وڈ کی مقبول اداکارہ پریانکا چوپڑا نے اپنی بیٹی مالتی میری کی چہرے سمیت پہلی تصویر جاری کی ہے۔

پریانکا چوپڑا اور ہالی وڈ اداکار و گلوکار نک جونس کے ہاں رواں برس کے آغاز  جنوری میں سروگیسی کے ذریعے بیٹی کی پیدائش ہوئی جس کا نام جوڑے نے 'مالتی میری چوپڑا جونس' رکھا۔

اداکارہ یوں تو بیٹی کے ہمراہ اب تک متعدد تصاویر انسٹاگرام اکاؤنٹ پر پوسٹ کرچکی ہیں لیکن اس میں سے کسی میں مالتی کا چہرہ نہیں دکھایا جاتا، اداکارہ کبھی بچی کے چہرے پر ایموجی لگادیتی ہیں تو کبھی بیٹی کے سر کی تصویر پوسٹ کرتی ہیں۔

تاہم اب پریانکا نے انسٹاگرام پر اسٹوری پوسٹ کی جس میں مالتی سو رہی ہے اور اس کی آنکھوں پر ٹوپا ہے البتہ چہرہ دیکھا جاسکتا ہے۔

اسکرین شاٹ/پریانکا چوپڑا

اداکارہ نے تصویر کے کیپشن میں محبت کا اظہار کیا اور ایموجی بھی بنائے۔

پریانکا چوپڑا کی بیٹی کی تصویر کچھ ہی دیر میں سوشل میڈیا پر وائرل ہوگئی جس پر صارفین کی جانب سے تبصروں کا سلسلہ بھی جاری ہے۔

کئی صارفین نے اظہارِ خیال کرتے ہوئے کہا کہ بچی کی شکل پریانکا سے بالکل نہیں مل رہی، اس کے برعکس مالتی نک جونس سے مماثلت رکھتی ہے۔