وزیراعظم شہباز شریف 12 سے 13 جنوری تک متحدہ عرب امارات (یو اے ای) کا دورہ کریں گے۔
ترجمان دفتر خارجہ کا کہنا ہےکہ وزیراعظم شہباز شریف یو اے ای کے سربراہ کی دعوت پر دورہ کریں گے۔
ترجمان کے مطابق یہ وزیراعظم شہباز شریف کا اپنی وزارت عظمیٰ میں متحدہ عرب امارات کا تیسرا دورہ ہوگا۔
ترجمان کا کہنا ہےکہ وزیراعظم کے ہمراہ کابینہ کے اہم ارکان پر مشتمل وفد بھی ہوگا، دورے میں وزیراعظم شہباز شریف یو اے ای کے سربراہ سے ملاقات کریں گے۔