لاہور : ڈائریکٹر انٹرنیشنل کرکٹ ذاکر خان کو پاکستان کرکٹ بورڈ (پی سی بی) میں مزید ایک ماہ کا کنٹریکٹ مل گیا۔
ڈائریکٹر کرکٹ ذاکر خان کی مدت ملازمت تین اپریل کو ختم ہو رہی ہے، ریٹائرمنٹ کے بعد ذاکر خان مزید ایک ماہ کے معاہدے پر کام کریں گے۔
ذاکر خان دو دہائیوں سے زائد عرصے سے پی سی بی میں خدمات انجام دے رہے ہیں، انہوں نے انٹرنیشنل کرکٹ کی بحالی کیلئے ہر دور میں بھرپور کام کیا۔
نیوزی لینڈ کرکٹ ٹیم کے دورہ پاکستان کی وجہ سے ڈائریکٹر انٹرنیشنل کو مزید ایک ماہ کا کنٹریکٹ دیا گیا ہے۔