لندن میں پریس کانفرنس کے دوران بانی پاکستان تحریک انصاف (پی ٹی آئی) کی رہائی کے حوالے سے سوال پر شیر افضل مروت نے کہا کہ بڑی مشکل سے خود کو خاموش رکھا ہوا ہے، ایسے سوال نہ کریں، آپ ملکو پر بات کریں۔
صحافیوں کے اصرار پر شیر افضل مروت نے کہا کہ ’میری دلیری ختم گئی ہے‘۔
اپنی پریس کانفرنس میں کے شیر افضل مروت نے کہا کہ بجٹ سے پاکستان میں مہنگائی کی نئی لہر آئے گی، بجٹ میں کھانے پینے کی اشیا پر ٹیکس لگا دیا گیا ہے، بجٹ اصل میں آئی ایم ایف نے بنایا ہے، آئی ایم ایف نے بے نظیرانکم سپورٹ پروگرام بھی صوبوں کو دینے کی ہدایت کی ہے۔
گلوکار ملکو کو بیرون ملک سفر کی اجازت نہ ملنے پر پی ٹی آئی رہنما کا کہنا تھا کہ فنکاروں کا نام ای سی ایل پر ڈالنا افسوسناک ہے، ملکو کو برطانیہ میں پرفارم کرنے سے روک کر نیچ حرکت کی گئی ہے۔
انہوں نے کہا کہ ایسے بھی فنکار ہیں جنہوں نے دیگر سیاسی پارٹیوں کیلئے نغمے یا ترانے گائے ہیں اور اس میں کچھ بھی غلط نہیں ہے لیکن ملکو کو روکنا شرمناک عمل ہے۔
شیر افضل مروت نے کہا کہ بیرون ملک بیٹھ کرسیاست دانوں کی کردار کشی کرنیوالے بھگوڑے لوگوں سے پیسے لے کرایسی حرکتیں کرتے ہیں۔