ٹی ٹوئنٹی ورلڈ کپ کے بعد پاکستانی آل راؤنڈر شاداب خان واپس فارم میں آگئے۔
لنکا پریمیئر لیگ میں شاداب خان نے مسلسل دوسرے میچ میں شاندار بولنگ کی اور 4 وکٹیں حاصل کیں۔
بدھ کو لنکا پریمیئر لیگ میں کولمبو اسٹرائیکرز کے شاداب خان نےگال مارولز کے خلاف 21 رنز دے کر 4 کھلاڑیوں کو آؤٹ کیا۔
اس سے قبل گزشتہ روز لنکا پریمیئر لیگ کے اپنے ڈیبیو میچ میں شاداب خان نے ہیٹ ٹرک سمیت 4 کھلاڑیوں کو آؤٹ کیا تھا۔
واضح رہے کہ شاداب خان ٹی ٹوئنٹی ورلڈکپ میں آؤٹ آف فارم تھے جس کی وجہ سے ان پر کافی تنقید بھی کی جارہی تھی۔