چیمپئنز آف لیجنڈ کرکٹ ٹورنامنٹ میں پاکستان نے آسٹریلیا کو 5 وکٹوں سے شکست دیدی۔
برمنگھم میں کھیلے گئے میچ میں آسٹریلیا نے پہلے بیٹنگ کرتے ہوئے مقررہ 20 اوورز میں 7 وکٹ کے نقصان پر 189 رن اسکور کیے۔
آسٹریلیا چیمپئنز کی جانب سے فنچ 68، بین ڈنک 27 اور فرگوسن 26 رنز بناسکے۔
پاکستان چیمپئنز نے 190 رنز کا ہدف 20 ویں اوور میں حاصل کیا، یونس خان 63، شعیب ملک 23 اور صہیب مقصود نے 21 رنز بنائے۔
آسٹریلیا کے خلاف چیمپئنز آف لیجنڈز کرکٹ ٹورنامنٹ کے میچ میں یونس خان کو پلیئر آف دی میچ قرار دیا گیا۔
واضح رہے کہ ایونٹ کے میچز جیوسوپر سے براہ راست نشر کیے جارہے ہیں۔