بھارت میں کورونا وائرس کی تشویش ناک صورت حال کے پیش نظر آسٹریلیا نے بھارت سے فلائٹ آپریشن 15 مئی تک بند کردیا۔
آسٹریلوی وزیر اعظم نے انڈین پریمیئر لیگ میں حصہ لینے والے آسٹریلوی کھلاڑیوں سے کہا ہے کہ آئی پی ایل میں کھلاڑی انفرادی حیثیت میں شریک ہیں ، اس لیے وہ وطن واپسی کے انتظامات خود کریں۔
ممبئی انڈینز سے کھیلنے والے کرس لین نے کرکٹ آسٹریلیا سے آئی پی ایل کے اختتام پر کھلاڑیوں کی وطن واپسی کے انتظامات کرنے کی درخواست کی تھی۔
تین آسٹریلوی کھلاڑی اینڈریو ٹائی، کین رچرڈسن اور ایڈم زیمپا آئی پی ایل سے دستبردار ہوگئے ہیں ۔