کابینہ کا آکسیجن سلنڈرز اور اس سے جڑی مصنوعات پر خصوصی ٹیکس مراعات کا فیصلہ

وفاقی وزیراطلاعات فواد چوہدری کا کہنا ہےکہ کابینہ نے آکسیجن سلنڈرز اور اس سے جڑی مصنوعات پر 180 دن کی خصوصی ٹیکس مراعات کا فیصلہ کیا ہے۔

سوشل میڈیا پر جاری ایک بیان میں فواد چوہدری کا کہنا تھا کہ کورونا کی موجودہ صورت حال کے پیش نظر  آکسیجن سلنڈر اور اس سے جڑی مصنوعات پر رعایت کا فیصلہ فوری طور پر نافذالعمل ہوگا۔

 انہوں نے کہا کہ گزشتہ ایک سال میں پاکستان نے آکسیجن کی پیداوار میں دُگنا اضافہ کیا ہے۔