لاہور ہائیکورٹ نے 63 سال پرانے تنازع کا فیصلہ پنجاب حکومت کے حق میں دے دیا

لاہور ہائیکورٹ نے 63 سال پرانے زمین کے تنازع کا فیصلہ پنجاب حکومت کے حق میں دے دیا۔

پنجاب حکومت نے شہری عطا رسول کو 1958 میں گرو مور فوڈ اسکیم کے تحت 3 برس کیلئے 8کنال اراضی الاٹ کی تھی۔

تاہم اب لاہور ہائیکورٹ نے پنجاب حکومت کو 1958 میں الاٹ شدہ زمین واپس لینے کا حکم دیا ہے۔

پنجاب حکومت کی درخواست پر جسٹس انوار حسین نے فیصلے میں لکھا کہ حکومت 6 دہائیوں سے زمین کی نیلامی کیلئے کوشش کرتی رہی لیکن عطا رسول نے درخواست بازی سے نیلامی رکوائےرکھی تھی۔

عدالت نے حکم دیا کہ پنجاب حکومت کو اجازت ہے کہ وہ زمین واپس لے کر آج کے دن تک کا لگان بھی وصول کرے۔