سابق امریکی وزیر خارجہ کو تحفے میں ملنے والی شراب کی بوتل غائب

امریکا کے سابق وزیر خارجہ مائیک پومپیو کو جاپان کی جانب سے تحفے میں دی گئی قیمتی شراب کی بوتل غائب ہوگئی۔

میڈیا رپورٹس کے مطابق مائیک پومپیو کو تحفے میں دی جانے والی شراب کی بوتل امریکی محکمہ خارجہ کے دفتر سے غائب ہوئی ہے۔

جاپان کی جانب سے دی گئی اس شراب کی بوتل کی قیمت 9 لاکھ پاکستانی روپے بنتی ہے جس کے غائب ہونے پر امریکی محکمہ خارجہ نے تحقیقات شروع کردیں۔

دوسری جانب مائیک پومپیو کا کہنا ہےکہ انہوں نے جاپان سے شراب کا تحفہ وصول ہی نہیں کیا، پتا نہیں بوتل کہاں غائب ہوئی۔