امریکا نے اپنی سرزمین پر ایک سکھ شہری پر قاتلانہ حملے کی سازش کرنے پر بھارت سے جواب دہی کردی ہے۔
نائب امریکی وزیر خارجہ کرٹ کیمبل نے آن لائن بریفنگ میں تصدیق کرتے ہوئے کہا کہ امریکی سرزمین پر ایک امریکی شہری کے قتل کی کوشش کی گئی، اس سازش میں بھارت کے ملوث ہونے کی تحقیقات پر پوچھ تاچھ کی جا رہی ہے۔
کرٹ کیمبل نے بتایا کہ اس معاملے پر امریکا نے بھارت کے ساتھ بات چیت کی ہے اور بھارت کی جانب سے امریکی تحفظات کا جواب دیا گیا ہے۔
ان کا کہنا تھا کہ بھارتی حکام الزامات کی روشنی میں ادارہ جاتی اصلاحات کی ضرورت پر غور کر رہے ہیں۔
کرٹ کیمبل نے مزید کہا کہ امریکا نے بھارت پر واضح کیا ہے کہ امریکا اس معاملے میں جواب دہی چاہتا ہے۔
نائب امریکی وزیر خارجہ کا کہنا تھا کہ ہم نے بھارت سے کہا ہے کہ اس معاملے پر پیشرفت سے بھی آگاہ کیا جائے۔