جماعت اسلامی نے کراچی میں ہیٹ ویو میں لوڈ شیڈنگ کے خاتمے کے لیے سندھ ہائی کورٹ سے رجوع کرلیا۔
درخواست میں استدعا کی گئی ہے کہ کے الیکٹرک کو بالخصوص ہیٹ ویو میں بلا تعطل بجلی فراہم کرنے کی ہدایت کی جائے۔
جماعت اسلامی کی جانب سے سندھ ہائی کورٹ میں جمع کروائی گئی درخواست میں موقف اپنایا گیا ہے کہ کے الیکٹرک کی جانب سے 71فیصد فیڈرز کو لوڈ شیڈنگ فری قرار دینے کا دعویٰ کیا ہے کہ جو غلط ہے۔
درخواست میں کہا گیا ہے کہ کے الیکٹرک کی غیر معیاری کارکردگی کے باعث نیپرا نے 5کروڑ روپے کا جرمانہ بھی عائد کیا ہے، ٹیکنیکل فالٹس بھی کے الیکٹرک کی ذمہ داری ہیں،انہیں درست کیا جائے۔
جماعت اسلامی کا مؤقف ہے کہ کراچی میں 16گھنٹے کی روزانہ اوسط لوڈ شیڈنگ ہوتی ہے، اب رات کے اوقات میں بھی دو سے چار گھنٹے لوڈ شیڈنگ شروع کردی گئی ہے۔ ہیٹ ویو کی وجہ سے سیکڑوں شہری روزانہ اسپتال لائے جا رہے ہیں۔
درخواست میں وفاقی وزارت توانائی،نیپرا ، کے الیکٹرک و دیگر کو فریق بنایا گیا ہے۔