23 اگست ، 2017 
پاکستان
وزیراعظم شاہد خاقان عباسی ایک روزہ دورے پر سعودی عرب پہنچ گئے
23 اگست ، 2017
اسلام آباد: وزیراعظم شاہد خاقان عباسی ایک روزہ سرکاری دورے پر سعودی عرب پہنچ گئے۔
وزیراعظم شاہد خاقان عباسی وزیر خارجہ اسحاق ڈار اور وزیر خارجہ خواجہ آصف کے ساتھ سعودی عرب پہنچے ہیں جہاں جدہ میں مکہ کے ڈپٹی گورنر نے ان کا استقبال کیا۔
ذرائع کا کہنا ہےکہ وزیراعظم سعودی ولی عہد اور دیگر اعلیٰ سعودی حکام کے ساتھ ملاقاتیں کریں گے جب کہ سعودی حکام سے امریکی صدر کی جنوبی ایشیا سے متعلق نئی پالیسی پر بھی تبادلہ خیال کیے جانے کا امکان ہے۔
ذرائع کے مطابق وزیراعظم مدینہ منورہ میں روضہ رسول اللہؐ پر حاضری بھی دیں گے۔
واضح رہےکہ شاہد خاقان عباسی کا وزیراعظم منتخب ہونے کے بعد یہ سعودی عرب کا پہلا دور ہے۔
