22 ستمبر ، 2017 
ماہرہ اور رنبیر نیویارک میں ایک ساتھ، مداحوں کی تنقید
22 ستمبر ، 2017
پاکستانی خوبرو اداکارہ ماہرہ خان اور بالی وڈ کے چاکلیٹ ہیرو رنبیر کپور کی دوستی اور ان دونوں کی حال ہی میں منظر عام پر آنے والی تصاویر مداحوں کی شدید تنقید کا نشانہ بن گئی ہیں۔
ماہرہ خان اور رنبیر کی دوستی کا آغاز دبئی کے گلوبل ٹیچر پرائز گالا سے ہوا اور اس کے چرچے سوشل میڈیا پر بھی خوب ہوئے لیکن دونوں نے اپنے کسی بھی قسم کے تعلق کی تردید کی۔
لیکن اس مرتبہ رنبیر اور ماہرہ نیو یارک میں ایک ساتھ دکھائی دیے ہیں جس کی تصویر سوشل میڈیا پر سامنے آئی۔
سفید لباس پہنے ماہرہ اور ان کے ساتھ موجود رنبیر سگریٹ نوشی کرتے نظر آتے ہیں۔ اس تصویر کے سامنے آنے کے بعد مداحوں نے ماہرہ کو شدید نتقید کا نشانہ بنایا اور ناپسندیدگی کا اظہار کیا۔
انسٹاگرام اور فیس بک پر متعدد مداحوں نے تبصرہ کرتے ہوئے لکھا کہ ماہرہ نے انہیں مایوس کیا، ان سے ان چیزوں کی توقع نہیں تھی۔
فی الحال ماہرہ خان اور رنبیر کی جانب سے مداحوں کو کوئی جواب نہیں دیا گیا ہے۔
ان تصاویر سے ایسا معلوم ہوتا ہے کہ یہ چند ماہ قبل لی گئی ہیں جب سنجے دت کی زندگی پر بننے والی فلم میں نوجوانی کا کردار فلمایا جارہا تھا۔
دوسری جانب لیجنڈری اداکار رشی کپور نے بھی مداحوں کی تنقید کے جواب میں کہا ہے کہ میرا بیٹا جوان اور غیرشادی شدہ ہے لہذا کسی سے بھی مل سکتا ہے اور لوگوں کو اس کی پرائیویسی کا خیال رکھنا چاہئے۔
ماہرہ خان فلم رئیس میں شاہ رخ خان مدمقابل بالی وڈ میں اپنا ڈبیو کر چکی ہیں ۔
مزید خبریں :
بالی وڈ اداکار متھن چکرورتی کی پہلی بیوی چل بسیں
05 نومبر ، 2024
بھارتی اداکارہ نے مدینہ منورہ میں نکاح کرلیا، تصاویر وائرل
05 نومبر ، 2024
