25 اکتوبر ، 2017 
دپیکا کی فلم ’پدماوتی‘ کا پہلا گانا ریلیز
25 اکتوبر ، 2017
بالی وڈ اداکار دپیکا پڈوکون نے فلم ’پدماوتی‘ کا پہلا گیت ’گھومر‘ جاری کردیا گیا ہے۔
ہدایت کار سنجے لیلا بھنسالی کی فلم ’پدماوتی‘ اپنی ریلیز سے قبل ہی مقبولیت کی انتہا کو پہنچ چکی ہے اور فلم کا ٹریلر ہی صرف 24 گھنٹے میں سے زیادہ دیکھا جانے والا ٹریلر بھی بن گیا تھا۔
فلم کی نمائش یکم دسمبر کو ہوگی لیکن فلم میں ’رانی پدمنی‘ کا کردار اپنے منفرد انداز اور بھاری بھرکم لباس کے باعث خوب شہرت حاصل کرچکا ہے۔
فلم میں رانی پدمنی کا کردار دپیکا پڈوکون کررہی ہیں اور انہوں نے اپنے کردار میں ڈھلنے کے لیے کوئی کسر نہیں چھوڑی ہے جب کہ انہوں نے فلم میں اکثر 30 کلو وزنی لباس بھی زیب تن کیا ہے جو کہ مشکل ترین کام ہے۔
فلم کا آج پہلا گیت ’’گھومر‘‘ بھی جاری کردیا گیا ہے جسے مداحوں کی جانب سے بے حد پسند کیا جارہا ہے اور اس گیت کو 5 گھنٹوں میں اب تک یوٹیوب پر 5 لاکھ سے زائد افراد دیکھ چکے ہیں۔
اس گیت میں بھارتی ریاست راجھستان کی کلچر و ثقافت کو اجاگر کیا گیا ہے اور رقص بھی راجھستانی انداز میں ہے۔
اداکارہ نے اس گیت میں مہنگے ترین بھاری بھرکم روایتی لباس اور زیورات زیب تب کرکے رقص کیا ہے۔ اس منفرد گیت پر رقص میں اداکارہ کو مشکلات کا سامنا رہا اور انہوں نے اس کی تربیت میں ڈیڑھ ماہ کا وقت لگایا ہے۔
گیت کے لیے مہنگا ترین سیٹ بھی بنایا گیا جس کو 100 سے زیادہ لوگوں نے 40 دن میں مکمل کیا ہے۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
