28 نومبر ، 2017 
40 ہزار روپے کا تنازع 6 سالہ بچی کی جان لے گیا
28 نومبر ، 2017
فیصل آباد میں سود پر لی گئی رقم واپس نہ کرنے پر مبینہ طور پر ملزم نے قرض دار کے گھر پر فائرنگ کردی جس کے نتیجے میں چھ سالہ بچی جاں بحق ہوگئی۔
پولیس کے مطابق واقعہ الہی اباد کے علاقے میں پیش آیا جہاں وراث نامی شخص نے مٹھو چیمہ نامی شخص سے سود پر 40 ہزار کی رقم ادھار لے رکھی تھی۔
پولیس کے مطابق ملزم نے رقم کی فوری واپسی کا مطالبہ کیا تھا تاہم رقم کا انتظام نہ ہونے پر ملزم مٹھو چیمہ نے وارث کے گھر پر فائرنگ کر دی جس سے وارث کی چھ سالہ بیٹی حمیرا گولیاں لگنے سے جاں بحق ہو گئی جبکہ ملزم موقعہ سے فرار ہو گیا۔
پولیس نے بچی کی لاش پوسٹ مارٹم کے بعد ورثا کے حوالے کر دی ہے جبکہ ملزم کی گرفتاری کے لیے چھاپے مارے جا رہے ہیں۔ ملزم کے دو بھائیوں کو حراست میں لے لیا گیا ہے۔
