Can't connect right now! retry

پاکستان
06 دسمبر ، 2017

اے ٹی ایم مشین میں چینی باشندے کی نقب زنی کی ویڈیو منظرعام پر


ایک چینی باشندے کو اے ٹی ایم مشین میں اسکمنگ ڈیوائس نصب کرتے ہوئے سی سی ٹی وی کیمرے کی آنکھ نے محفوظ کرلیا جس میں دیکھا جا سکتا ہے کہ چند  ہی منٹوں میں چینی باشندہ اپنی کارروائی کر گیا۔

ایف آئی اے کو بینک انتظامیہ کی جانب سے اسکمنگ ڈیوائس نصب کیے جانے کی سی سی ٹی وی ویڈیو فراہم کی گئی ہے، جس میں ایک چینی باشندہ اور ایک پاکستانی ملزم ڈیوائس نصب کرتے نظر آرہے ہیں۔

 ذرائع کا دعویٰ ہے کہ سی سی ٹی وی ویڈیو ڈی ایچ  اے کی ہے اور واردات گزشتہ ماہ کی 16 تاریخ کو کی گئی جب کہ ملزمان نے دوپہر 4 بجکر 21 منٹ پر ڈیوائس نصب کرنا شروع کی۔

ویڈیو میں دیکھا جاسکتا ہے کہ چینی ملزم  اے ٹی ایم میں پہلے سے موجود ہےجبکہ دوسرا پاکستانی ملزم  اے ٹی ایم میں داخل ہو کر اسے ڈیوائس تھماتا ہے اور پھر چلا جاتا ہے۔ 

دونوں ملزمان نے ڈیوائس کی تنصیب بینک کے اوقات میں ہی کی، جب کہ بینک انتظامیہ کو ان کے چلے جانے کے بعد ڈیوائس نصب ہونے کا پتا چلا جس کے بعد متاثرہ اے ٹی ایم مشین کو تبدیل کردیا گیا۔

 بینک انتظامیہ نے ملزمان کی گرفتاری کے لیے سی سی ٹی وی ویڈیو ایف آئی  اے کے حوالےکردی ہے۔

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM