10 دسمبر ، 2017 
اداکارہ زائرہ وسیم کا دوران پرواز جنسی ہراساں کیے جانے کا الزام
10 دسمبر ، 2017
بالی وڈ چائلڈ اسٹار زائرہ وسیم نے بتایا ہے کہ انہیں دوران پرواز جنسی طور پر ہراساں کیا گیا ہے۔
چائلڈ اسٹار زائرہ وسیم نے انسٹاگرام پر لائیو ویڈیو چیٹ میں روتے ہوئے کہا کہ دہلی سے ممبئی پرواز کے دوران انہیں ایک شخص نے ہراساں کیا ہے ۔
انہوں نے انسٹاگرام اسٹوری اور ویڈیو میں کہا کہ ایک نامعلوم شخص نے بار بار انہیں پاؤں لگایا کبھی وہ پاوؤں سے ان کی گردن چھوتا تو کبھی کمر پر پاؤں لگاتا جس پر وہ خوفزدہ ہوگئیں۔
انہوں نے بتایا کہ ایئر لائن عملے سے مشکوک شخص کی شکایت کی لیکن ایکشن نہیں لیا گیا تاہم انہوں نے شدید غصے کا اظہار کرتے ہوئے کہا کہ کیا آپ اپنی خواتین کو ایسے عزت دیتے ہیں۔
دوسری جانب وسٹرا ایئر لائن کی انتظامیہ نے زائرہ وسیم کی شکایت پر رد عمل دیتے ہوئے ٹوئٹر میں اپنی ایک ٹوئٹ میں کہا کہ ان کی شکایات پر تحقیقات جاری ہیں اس قسم کا رویہ کسی کے ساتھ بھی ناقابل برداشت ہے۔
واضح رہے کہ چائلڈ اسٹار زائرہ وسیم فلم ’دنگل‘ اور ’سیکرٹ سپر اسٹار‘ میں بالی وڈ کے مسٹر پرفیکشنسٹ عامر خان کے ساتھ اداکاری کے جوہر دکھا چکی ہیں۔
مزید خبریں :
فلموں کی ناکامی پر باتھ روم میں جاکر رویا: شاہ رخ کا انکشاف
19 نومبر ، 2024
اداکار فردوس جمال نے گھر چھوڑ کر تنہا رہنے کی وجہ بتادی
19 نومبر ، 2024
