مقبول گانا ’ڈسپیسٹو‘ ٹاپ 10 گانوں کی فہرست سے باہر

گلوکار لوئس فونسی اور ڈیڈی ینکی کے گائے جانے والے ’ڈسپیسیٹو‘ گانے کو رواں برس یوٹیوب پر خوب سنا گیا—فائل فوٹو

رواں برس کا مقبول ترین گانا ’ڈسپیسیٹو‘ ٹاپ 10 گانوں کی فہرست سے باہر ہوگیا ہے۔

گانا 'ڈسپیسیٹو' رواں برس جنوری میں ریلیز ہوا تھا جسے اب تک یو ٹیوب پر 4 ارب سے زائد بار دیکھا جاچکا ہے۔

گلوکار لوئس فونسی اور ڈیڈی ینکی کے گائے جانے والے اس گانے نے یوٹیوب پر سب سے زیادہ سنے جانے والے جسٹس بیبر کے گانے کو بھی پیچھے چھوڑ دیا تھا۔

جسٹن بیبر کے 2015 میں مشہور ہونے والے گانے 'سوری' کو یوٹیوب پر 4.38 ارب صارفین نے سنا لیکن 'ڈسپیسیٹو' نے ریلیز کے صرف چند ہفتوں میں ہی نہ صرف دنیا کے 100 مقبول ترین گانوں میں جگہ بنائی بلکہ اسے سب سے زیادہ سنے جانے والے گانے کا اعزاز بھی حاصل ہوا ہے۔

تاہم اب یہ گانا امریکی بل بورڈ ہاٹ ہنڈرڈ کے ٹاپ 10 سے باہر ہوچکا ہے اور 2 درجے نیجے آکر نویں سے گیارہویں نمبر پر پہنچ چکا ہے۔

مزید خبریں :