26 دسمبر ، 2017 
رانا افضل خان نے وزیرمملکت برائے خزانہ کے عہدے کا حلف اٹھالیا
26 دسمبر ، 2017
اسلام آباد: وزیر مملکت برائے خزانہ رانا افضل خان نے عہدے کا حلف اٹھا لیا۔
ایوان صدر میں حلف برداری کی تقریب منعقد ہوئی جہاں صدر مملکت ممنون حسین نے رانا افضل خان سے وزیرمملکت برائے خزانہ کا حلف لیا جب کہ اس موقع پر وزیراعظم شاہد خاقان عباسی بھی موجود تھے۔
اس سے قبل رانا افضل پارلیمانی سیکریٹری خزانہ کی حیثیت سے خدمات انجام دے رہے تھے۔
سابق وفاقی وزیرخزانہ اسحاق ڈار کی بیماری کے باعث ذمہ داریوں سے سبکدوشی کے بعد وزیراعظم شاہد خاقان عباسی امور خزانہ چلا رہے تھے۔
خیال رہے کہ وزیراعظم شاہد خاقان عباسی اور مسلم لیگ (ن) کے صدر و سابق وزیراعظم نواز شریف کی 21 دسمبر کو ہونے والی ملاقات کے دوران رانا افضل کو وزارت خزانہ کا قلمدان سونپنے کا فیصلہ کیا گیا تھا۔
