15 جنوری ، 2018 
تجارتی پالیسی 23-2018 کی تیاری کیلئے اسٹیک ہولڈرز سے تجاویز طلب
15 جنوری ، 2018
اسلام آباد: وفاقی حکومت نے آئندہ پانچ سالہ تجارتی پالیسی 23-2018 کی تیاری شروع کردی ہے۔
وزارت تجارت نے آئندہ پانچ سالہ تجارتی پالیسی کی تیاری کے لیے تمام متعلقہ اسٹیک ہولڈرز سے تجاویز طلب کیں اور اسٹیک ہولڈرز کی جانب سے متعد د تجاویز وصول ہوئی ہیں۔
ان تجاویز کی روشنی میں آئندہ 5 سالہ تجارتی پالیسی کے اسٹریٹجک فریم ورک میں کاروباری برادری کو مراعات اور تجارت میں اضافے کے لیے اقدامات کیے جائیں گے جن میں سپلائی چین ڈویلپمنٹ اور مارکیٹ تک رسائی کے لیے اقدامات ، تجارت کے فروغ کے لیے تجارتی سہولیات شامل ہیں۔
اس کے ساتھ آئندہ 5 سالہ تجارتی پالیسی میں کاروباری برادری کو مراعات کی فراہمی اور کاروبار کو آسان بنانے کے لیے قواعد و ضوابط کو سادہ بنایا جائیگا اور کاروباری لاگت کو کم کرنے کے لیے کاروباری برادری سے درآمدی اور برآمدی اشیاءپر غیر ضروری بوجھ کم کیا جائیگا۔
تجارتی پالیسی میں صحت ، ماحول میں بہتری اور سیکورٹی خدشات میں کمی لانے کو یقینی بنایا جائیگا۔
مزید خبریں :
ملک میں فی تولہ سونا ہزاروں روپے سستا ہوگیا
9 گھنٹے پہلے
سعودیہ سے 3 کھرب 33 ارب کی تیل سہولت پر آئی ایم ایف کے خدشات
14 نومبر ، 2024
روپے کے مقابلے میں امریکی ڈالر سستا ہوگیا
13 نومبر ، 2024
ملک میں سونا مہنگا، فی تولہ قیمت کیا ہے؟
13 نومبر ، 2024
