04 فروری ، 2018 
متحدہ عرب امارات میں ورک ویزا کیلئے نئے قانون کا اطلاق
04 فروری ، 2018
دبئی: متحدہ عرب امارا ت میں ورک ویزا کے حصول کے لئے نئے قانون کا اطلاق آج سے ہوگیا ۔
خلیج ٹائمز کی رپورٹ کے مطابق یو اے ای میں ورک ویزا حاصل کرنے والے خواہشمند افراد کو اپنے ملک کی پولیس سے کیریکٹر سرٹیفیکٹ لینا ہوگا۔
ورک ویزہ لینے والے افراد کو اماراتی سفارت خانے سے اس کی تصدیق بھی کرانی ہوگی جب کہ کیریکٹر سرٹیفکٹ کا اطلاق سرٹیفکٹ لینے والے شخص کے اہلخانہ پر نہیں ہوگا۔
رپورٹ میں واضح کیا گیا ہے کہ سیاحوں اور طالبعلموں پر کیریکٹر سرٹیفکٹ کا اطلاق نہیں ہوگا جب کہ اماراتی حکومت کا کہنا ہے کہ نئے قانون کا مقصد ملک میں جرائم پیشہ افراد کے داخلے کو روکنا ہے۔
دبئی پولیس کے کرمنل انویسٹی گیشن کے اسسٹنٹ کمانڈر ان چیف میجر جنرل خلیل ابراہیم کا کہنا ہے کہ غیرملکی شہریوں کا اپنے ممالک سے سرٹیفکٹ کے حصول کا مقصد متحدہ عرب امارات میں جرائم کی روک تھام اور اس کا خاتمہ ہے۔
انہوں نے مزید کہا کہ نئے طریقہ کار سے ایسے افراد جو جرائم میں ملوث ہیں انہیں اپنے ملک میں ہی جرائم سے صاف ہوکر یو اے ای میں کام کرنے کی اجازت ہوگی۔
مزید خبریں :
مزید 2 ممالک آئندہ سال شینگن ممالک کا حصہ بننے کو تیار
10 گھنٹے پہلے
حزب اللہ کے راکٹ حملے میں اسرائیلی شہری ہلاک
22 نومبر ، 2024
چچا کے تھپڑ مارنے پر 3 سالہ بھتیجی جان سے چلی گئی
22 نومبر ، 2024
