12 فروری ، 2018 
پاکستان
حادثے کا شکار ہونے والی وین—۔جیو نیوز اسکرین گریب
ہوسٹری کے قریب تیز رفتار ٹرک اور وین کے درمیان تصادم ہوا—۔جیو نیوز اسکرین گریب
حیدرآباد کے نواح میں سوزوکی اور وین میں تصادم، 11 افراد جاں بحق
12 فروری ، 2018
حیدرآباد: ٹنڈو محمد خان روڈ پر ٹرک اور وین کے درمیان تصادم کے نتیجے میں خواتین سمیت 11 افراد جاں بحق ہوگئے۔
نمائندہ جیو نیوز کے مطابق ٹنڈو محمد خان روڈ پر ہوسٹری کے قریب تیز رفتار ٹرک اور وین کے درمیان تصادم ہوا، جس کے نتیجے میں خواتین سمیت 11 افراد جاں بحق ہوگئے۔
ابتدائی اطلاعات کے مطابق وین میں سوار جاں بحق افراد کا تعلق نجی کمپنی سے تھا جو قریبی دیہات میں سامان کی فروخت کے لئے جارہے تھے۔
حادثے میں جاں بحق افراد کی لاشیں سول اسپتال منتقل کردی گئیں۔
ڈی ایس پی ہوسڑی دوست محمد منگریو کے مطابق حادثے میں 11 افراد جاں بحق ہوئے جن میں سے بیشتر خواتین ہیں۔
حادثے میں تین خواتین بھی زخمی ہوئیں جن کا اسپتال میں علاج جاری ہے۔
